Sunday 17th December 2017

FAALLO:-Gacmo wada jir bay wax ku gooyaan

April 7, 2015 - Written by Puntland Fox

Iyadoo dhismihii iyo dhidibba u taagidii dawladda Puntland ay gogol dhig u ahayd isku tashiga iyo rabitaanka shacabka reer puntland haddana mar walba waxaan la hilmaami kareyn oo qofkasta maskaxda uu ku hayey waxa keliya ee uu ku hana qaadi karo maamulkaa cusub ee la yag leelay inay tahay oo keliya Midnimo iyo wax wada qabsi.

Diinta islaamku meelweyn ayay gaadhsiisey midnimada qiime weyn bayna uyeeshay midnimada iyo iskaashiga waana tan keliya ee markii ay bulsho ka dhabayso ay heer ku gaadhi karto soomaaliduna iyadoo arrintaasi ka duuleysa ayay hore ugu maahmaahday“Gacmo wada jir bay wax ku gooyaan”.

Waxaa jirey dagaal ka dhan ah midnimada Puntland oo bilowday islamarkii dhidibada loo taagey Puntland kaas ujeedkiisu ahaa manja xaabin lala damacsanaa in lagu burburiyo maamulkaas oo markaasi loo arkaayey dabka keliya ee kasoo bidhiiqay soomaaliya.

Waxaana kashaqaynayey hurgumada iyo hagardaamadaasi dad soomaaliyeed oo dhinacyo badan deris ama jaaraan kala ah Puntland  kuwaas oo weli ku mashquulsan kala geynta iyo isku dirka shacabka reer puntland.

Haddaba iyadoo arrintaasi laga duulayo waxaa biya kama dhibcaan noqotay Puntland inay isku tashato ayna adkayso midnimadeeda  iyadoo uu hormuud uyahay hoggaamiyaha aragtida dheer ee Puntland Dr. Cabdiweli Maxamed Cali Gaas oo ah hoggaamiye ay ka go’antahay horumarinta Puntland isla markaasina ay meel uga soo wada jeestaan kuwa hadh iyo habeen ku mashquulsan duminta, kala daadin iyo isku dirka shacabka reer puntland.

Cadowga Puntland ma aha Argagixisada nabaddiidka oo keliya balse waxaa inta badan iyaguna ku hawlan duminta Puntland Siyaasiyiin aragti gaaban iyo maskax shisheeye ku shaqaynaya kuwaas oo kasoo jeeda puntaland iyo soomaaliya inteeda kaleba, waxaan iyana meesha kamaqnayn maamul goboleedyada deriska la ah puntland oo daandaansi iyo dhul durugsi siyaasad xumo  iyo qabyaaladi ku milantahay kuwada Puntanland Haba ugu weynaadaan maamulka soomaaliland oo iyagu argagixiso usoo adeegsada puntland si’ay u helaan deegaano Puntland dal ahaan iyo dad ahaanba uga tirsan oo ay iyagu sheegtaan.

Haddaba Muwaadin Arrintaasi waxa keliya ee  aan kaga gudbi karnaa waa inaga oo isku duuubnaana oo ilaashanna midnimadeed iskana qabanna kuwa inaga inaku dhexjira oo xambaarsan fikradaha shisheeyaha kuna hawlan hadimadeena.

Ugu dambayntii farriinta keliya aanu u dirayno  shacbiweynaha reer puntland meelkastoo ay joogaanba waa inay ka shaqeeyaan midnimadooda  iyo iskaashigooda iyagoo  iska illaawaya waxkastoo khaladaad ah oo lakala tirsanayo maxaa yeelay  marka laysu tanaasulo ayaa isku ujeeddo la noqdaa markaas ayaa xitaa waxaa daalaya oo hungo iyo hoog ay u tahay kuwii kashaqaynayey isku dirkeena iyo kala fogeynteena.

Puntland  ha noolaato, haysku tashato, guul iyo gobanimo.

-DHAMMAAD-

Xafiiska Warfaafinta, Wacyigelinta, Hiddaha Iyo Dhaqanka ee Madaxtooyada Puntland.

Like Us On Facebook
Faallooyin
alegeri-prezidentiale-Franta WAA KUMA MADAXWEYNAHA CUSUB, EE FARANSIISKA W/Q: CUMAR SHAAFI    May 8, 2017
Nawa-750x400 Nawa, 16 jir ayay ku bilowday waxbarashada (Maqaal)    March 12, 2017
Muna-750x400 Sunsun! (Maqaal)    March 8, 2017
jjjjhjghj-150x150 FAALLO:-Gacmo wada jir bay wax ku gooyaan    April 7, 2015
index-150x150 FAALLO:- Nabadda adiga ayaa ku nool ee iyadu kuguma noola    March 31, 2015
Faallo1 FAALLO : Puntland iyo Hirgelinta Nidaamka Dimuqraadiyadda.    March 25, 2015
Faallada FAALLO:-Inta Cudurku kuu jiro ayaa Caafimaadkuna Kuujira    March 23, 2015
Faallo1 FAALLO :- TURXAAN BIXINTA IYO TOOSINTA SHAQADA QARANKU WAXAY QAYB KA TAHAY HADAFKA IYO SIYAASADDA MADAXWEYNE GAAS.    March 23, 2015
Faallo1 FAALLO : Puntland iyo Maanta    March 18, 2015
dhuxul FAALLO:-Deegaankeenu waa Nolosheenna.    March 16, 2015