Thursday 19th October 2017

Madaxweynaha Dawladda Puntland oo Kormeeray Kawaanka Xoolaha ee Magaalada Boosaaso.

October 4, 2017 - Written by Puntland Fox

Madaxweynaha Dawladda Puntland  Dr. Cabdiweli Maxamed Cali Gaas ayaa maanta oo ay taariikhdu tahay 04 October 2017 kormeeray kawaanka xoolaha ee magaalada Boosaaso oo laga hirgeliyey dhismihiisa magaaladaasi.

Kormeerka ayaa waxaa Madaxweynaha ku wehelinaayey maamulka gobolka Bari, kan degmada Boosaaso iyo saraakiil ka tirsan Madaxtooyada dawladda Puntland.

Kawaankan oo ah mid casri ah ayaa waxaa iska kaashaday dhismihiisa xukuumadda dawladda Puntland, dawladda Talyaaniga iyo hay’adda FOW ee qaramada mudiibey, waxaana kawaankani lagu diyaarin doonaa hilibka xoolaha sida Gella, Adhiga iyo Lo’da oo loo diyaarin doono si casriya, isla markaana waxa uu ka kooban yahay kawaankani qaybtii qalliinka xoolaha, qaybtii diyaarinta hilibka iyo qaybtii hubinta fayadhawrka neefka iyo sidoo kale qaybtii nafaqaynta neefka kahor inta aan laqallin.

Madaxweynaha Dawladda Puntland Dr. Cabdiweli Maxamed Cali Gaas ayaa sheegay in kawaankani yahay mid la jaan qaadi kara kawaanada maanta ka jira caalamka ama waddamada horumaray, isagoona xusay Madaxweynuhu in kawaanakani yahay mid lagu illaalinkaro sixada shacabka magaalada Boosaaso madaama ay goobtani leeyahay qayb lagu hubinayo caafimaadka neefka iyo nadaafadiisaba kadib marka ladiyaariyo.

Sidoo kale Madaxweynaha Puntland ayaa xusay in goobtani lagaga kaaftoomi doono  qaabka maanta ay shacabka magaalada Boosaaso u isticmaalaan qalliinka ama diyaarinta hillibka xoolaha, maadaama kawaankan casriga ahi leeyahay adeegyo badan oo waxtar u leh fayadhawrka caafimaadka shacabka magaalada Boosaaso.

Dhinaca kale, Madaxweyanaha ayaa xaqiijiyey in xanuuno badani ka yimaadaan hilibka aan la hubin amase aan la illaalinta nadaafaddiisa ka gadaal marka la diyaariyo, isla markaana waxa uu Madaxweynuhu shacabka magaalada Boosaaso ku booriyey inay isticmalaan kawaan kani say uga badbaadaan xanuunada badan ee kayimaadda fayadhawr la’aanta katimaada hillibka xoolaha oo aan loo isticmaalin qalliinkiisa goobtii ku haboonayd.

Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa ugu baaqay shacabka magaalada Boosaaso inay ka faa’iidaystaan kawaankani casriga ah, isla mar’ahaantana ay isticmaalaan si ay u dhawsanaato tayada hillibka la quudanayo, welibana la ilaaliyo caafimaadka hooyada iyo dhalaanka iyo bulshada inteeda kaleba .

=DHAMMAAD=

XAFIISKA, WARFAAFINTA, WACYIGELINTA HIDDAHA IYO DHAQANKA EE MADAXTOOYADA DAWLADDA PUNTLAND.1 2 (2) 2 3 5I2A0007 5I2A0014 5I2A0074 5I2A0077 5I2A0087 5I2A0104 5I2A0105 5I2A0116 5I2A0124 5I2A0159 5I2A0183 5I2A0209

Like Us On Facebook
Faallooyin
alegeri-prezidentiale-Franta WAA KUMA MADAXWEYNAHA CUSUB, EE FARANSIISKA W/Q: CUMAR SHAAFI    May 8, 2017
Nawa-750x400 Nawa, 16 jir ayay ku bilowday waxbarashada (Maqaal)    March 12, 2017
Muna-750x400 Sunsun! (Maqaal)    March 8, 2017
jjjjhjghj-150x150 FAALLO:-Gacmo wada jir bay wax ku gooyaan    April 7, 2015
index-150x150 FAALLO:- Nabadda adiga ayaa ku nool ee iyadu kuguma noola    March 31, 2015
Faallo1 FAALLO : Puntland iyo Hirgelinta Nidaamka Dimuqraadiyadda.    March 25, 2015
Faallada FAALLO:-Inta Cudurku kuu jiro ayaa Caafimaadkuna Kuujira    March 23, 2015
Faallo1 FAALLO :- TURXAAN BIXINTA IYO TOOSINTA SHAQADA QARANKU WAXAY QAYB KA TAHAY HADAFKA IYO SIYAASADDA MADAXWEYNE GAAS.    March 23, 2015
Faallo1 FAALLO : Puntland iyo Maanta    March 18, 2015
dhuxul FAALLO:-Deegaankeenu waa Nolosheenna.    March 16, 2015